Wëssen a gleewen ass zweeërlee

Sep 22, 2015

Op de Risiko hi mech schonn nees ze widderhuelen: Informatioun ass Muecht! An dat sollt ëmsou méi jidderengem bewosst gi sinn di lescht Wochen a Méint duerch alles wat d’Mënschheet huet mussen erliewen a gesinn.

Duerch meng Aarbecht, hunn ech d’Chance bei vill flotte Projete matzemaachen, déi zu 100% dofir geduecht sinn, jonke Leit ze hëllefen. Dat ass ee super Gefill, an ech sinn all Dag dankbar dat dierfe meng Aarbecht ze nennen. A wann ech anere Leit dovun erzielen, gi mer d’Schudderen aus vu Freed an Opreegung, well ech net nëmmen dervun iwwerzeegt sinn, datt mir di “Gutt” sinn, mee och drun gleewen, datt mir onse bescheidenen Deel zur positiver Entwécklung vun den nächste Generatioune kënne bäidroen.

Ëmsou méi sinn ech dann ëmmer nees frustréiert, wann ech gesinn, wéi wéineg d’Presse an all hire Kanäl op eis nei Produiten a Servicer ageet, respektiv hirer Clientèle virstellt, well et ass jo awer schliisslech ee gratis Service, dee jidderee fir sënnvoll hält, a frou wiere wann onse Message bei deenen ukéim fir déi en geduecht ass.

Wann et lo nëmmen eng Kéier wier, wier et bestëmmt just ee blöden Zoufall, zwou Kéiere, Pech! Mee wa systematesch all Propose vun eis, wou de But et ass Jonker gutt z’informéieren, vu quasi all Organ “boykottéiert” gëtt, froen ech mech op net méi derhannert stécht. Mä firwat stéiert dat mech haut méi als soss?

Kucke mer mol wéi d’Nouvellen um Internet sech di lescht Deeg a Méint entwéckelt hunn…

Hutt der net och di Strooss gesinn, wou anscheinend di “béis” Flüchtlingen alles knaschteg hannerlooss hunn? Oder deen Zuch wou di “Béis” d’Iessen an d’Gedrénks op d’Schinne geheien? Oder di Terroristen ënnert de Flüchtlingen déi an Däitschland d’Police mat Fändelen attaquéieren? Jo?

Wësst der dann och, dat di Strooss eng illegal Mülldeponie zu Debrecen ass, a vun 2012 ass? Dat dee Video mam Zuch an der Gare een Hongerstreik gefilmt huet, an di Attack op Poliziste vu Salafiste vum 1. Mee 2012 war? … an dëser Beispiller ginn et nach vill méi!

Et gëtt op dëser Welt Persounen, déi einfach nëmme béis sinn, an déi dann sou eppes an d’Welt setzen. An da gëtt et déi wou Angscht hunn, déi wou et gleewen, déi wou et weiderleeden, an déi wou et publizéieren! An heiansdo kéint ech souguer bal novollzéien, firwat een dat géif publizéieren – wat méi spektakulär, wat méi Lieser, wat méi Reklammen! Mee novollzéien heescht fir mech kloer net dat ech et géif richteg fannen!

A gleeft mer es, mat Momenter kéint ech kräischen, richteg kräischen, wann ech Jonker op Facebook begéinen, déi genau déi Biller a Filmer deelen, deels mat richteg schlëmm Xenophoben Aussoen. Kräische well ech mer soen ech misst méi maachen, nach méi. An vu Roserei wann een et net ënnerstëtze well, Jonker gutt z’informéieren, respektiv ze forméiere fir dat si selwer net op sou Nouvelle eran ze falen.

Haut kënne mer dat all änneren. Mir mussen et just wëllen. Eis Lycéeën hu bal all di lescht Joeren immens Efforte gemaach fir niewent all hirer Aarbecht och nach mat eis zesummenzeschaffe fir hier Schüler z’informéieren,, an do kann ech nëmme Merci soen. Mee och an ärem Ëmfeld, léif Nolauschterer a Presse: hëlleft der jonker Generatioun ze léiere mat Informatiounen ëmzegoen! Gidd hinne gutt a richteg Informatiounen! Hëlleft hinnen!

Des Carte Blanche huet näischt mam Referendum ze dinn!

Des Carte Blanche huet näischt mam Referendum ze dinn!

Et geet wéi ëmmer em di Jonk, em Informatioun an am Allgemengen em Manipulatioun. E beschen sou wéi bei engem Referendum. Oops… lo geet et awer schonn nees em dee Referendum. Mee wéi ass dat nëmmen dat nach ëmmer, egal wou Diskussioun grad ass, et ganz heefeg sech tôt...

Den Internet an d’Angscht

Den Internet an d’Angscht

Et kënnt mer fir, wéi wann ech als Kand spéid Owes bei Lagerfeier ganz oft sou Schauermärecher erzielt kritt hätt, vun Zäiten, wou nach keng 97% vun de Leit am Land Internet haten, wou nach net all Zëmmer seng eegen Televisioun hat, wou am Platz vun engem...

Fréier war alles besser

Fréier war alles besser

An dann déi Jugend vun haut?! - Wat huet dat mech am Lycée generft, wann een dat zu mer sot! Mä wéi kann et da sinn, datt haut vill nei Aler genau déi selwecht Säz op der Zong leien hunn? Als jonk Persoun baut ee sech Referenzen op, an ee Kader an deem ee sech...

Iwwer Medien a Virurteeler

Iwwer Medien a Virurteeler

Als fläissegen Nolauschterer vun dëser Carte Blanche wësst Dir jo sécherlech entretemps, datt Informatioun Muecht ass. Dir wësst och, datt Informatioun ka gefälscht sinn. An dir wësst, datt Informatioune kënne géint Iech benotzt ginn. Mee ab wéi engem Punkt gëtt et...

Informatioun ass Muecht

Informatioun ass Muecht

Dës Serie hunn ech viru 7 Méint ugefaang mat engem vun den Themen, déi mir am stäerksten um Häerz leien, déi Jonk an hir Recht op Informatioun. An deem Sënn hunn ech probéiert, d'Iwwerleeung z'encouragéieren, datt jonk Leit, déi gutt Informatiounen hunn, vill besser...

D’Kultur vum Recht

D’Kultur vum Recht

Eigentlech muss ech soen dat ech wierklech frou sinn dës Carte Blanchen dierfen ze maachen. Well dës gi mer ëmmer nees d’Méiglechkeet, e bësschen Distanz zum Alldag ze huelen, a mech mat Saachen auserneenzesetzen déi mech beschäftegen. Leider awer sinn et meeschtens...

Rassismus am Alldag a Xenophobie – Eng Gefor fir déi Jonk

Rassismus am Alldag a Xenophobie – Eng Gefor fir déi Jonk

Lëtzebuergesch, wat hunn ech di Sprooch sou gär. Vu klengem un a bis haut, ass a bleift et déi Sprooch op déi ech am léifsten an am einfachsten zeréckfalen fir mech auszedrécken. A wa Leit mer soen dat Lëtzebuergesch jo eigentlech net wierklech eng Sprooch wier, mee...

SLAM!1: Informatioun ass Muescht

SLAM!1: Informatioun ass Muescht

Wéi der et bestëmmt scho wësst, gëtt dëst Zäitalter och nach d’Zäitalter vun der Informatioun genannt. Mee waat heescht dat? Grosso Moddo heescht dat, datt een haut vill méi einfach accès op Informatiounen kann hunn, datt een souguer een Iwwerfloss un Informatiounen...

Loss

Loss

Recently ago, I started listing to the the 7 Habits of Highly Effective People. And when I say "started", I mean listened to the foreword by the author some 15 years down the road from the book's first publishing date. And besides an awefully rubbish point he made, 2...