Virun e puer Wochen, sin ech eng Strooss roofgefuer, wou zum Schluss eppes wei ee klengen Trottoir ass ier een an d’Haaptstrooss oofbeit. Well do awer op der rietser Saeit eng grouss Mauer ass, an op der lenker een deckt Gebesch, sin ech d’eischt bis bei deen Trottoir (dee keen ass) gefuer, an du lues bis bei de Bord vun der Strooss.
Wei ech du stoung an d’eischt no lenks gekuckt hun, hat ech mol net mei d’Zaeit och nach no riets ze kucken, dun hat ech schon ee Velo an der Saeit an ee relativ krasse Stunt iwwer de Capot..
Gottseidank ass dem Erwuessene Fuerer ausser e puer Schrummen näischt geschitt! Mee maein Auto a säin ausgeleinte Velo waren “blesséiert”.
De Fuerer war awer en plus de Mann vu menger Fra senger Cousine an et war schnell an engem (den Emstaenn entspriechenden) positive Klima gereegelt:
– heen haett net dierfen iwwert den Trottoir fueren
– heen ass ze schnell komm
– ech hat keng Chance en ze gesin
– ech stoung
– et war elleng seng Schold
An esou hu mer och de Constat ausgefellt.
Wat mengt der wei verwonnert ech war, wei meng Assurance mer du geschriww huet et wier awer meng Schold. Wei?? Ech stoung, et rennt een a mech, et ass meng Schold?
Dun ass een Inspekter op d’Plaz gefuer fir ze kucken, dun duescht ech: ok, ouff, well all gesonde Menscheverstand ass d’accord dat et net aanescht ka sin.
Mee nee. Meng Assurance well anscheinend unbedengt bezuelen.
An dun ass mer eppes bewosst gin. Wann sie dei 800€ bezuelen vu menger Teitsch, verleieren ech 6 Joer wann ech mech net ieren u Bonus/Malus. 3 Joer plus 3 Joer wou ech nees brauch fir op maein Niveau zreckzekommen. Mee dann nach. Et ass also souguer eng gudd Affaire fir sie fir et ze bezuelen.
An anscheinend wier dat oft esou mat den Assurancen. An lo bleiwt mer dann naeischt aanescht iwwreg wei firu Geriicht ze goen… Mee do hu ech jo eng Protection Juridique.
A wann net, vlaeit kann ech jo dann ee Cascadeur Business opmaachen fir futtis Veloen, wou ech dann mech op Ruedt stelle gin a warden bis een Auto do steet wou ech stoung, an wou ech dann einfach drarennen fir dat aaner Leit hier Veloen vun engem “arme Schwaein” senger Assurance bezuelen ze loossen…
